سؤال رقم 61: ورد هذا السؤال بتاريخ 03.05.2019 على موقعنا الإلكتروني:
السؤال:
السلام عليكم و رحمه الله و بركاته
انا مش فاهم ليه في er في voller في جمله Deine Welt ist voller Gefahren
الجواب:
وعليكم السلام ورحمة الله وبركاته سيد ****،
voller بتيجي وبعدها Genitiv بمعنى مليء بـ ولو دورت في قاموس جيد زي مثلا dict.cc هتلاقي المعلومة دي ... فده استثناء يتحفظ.
سؤال رقم 62: ورد هذا السؤال بتاريخ 26.08.2019 في بريد إلكتروني:
السؤال:
السلام عليكم هير احمد جزاكم الله خيرا وبارك لك فى علمك وعملك ومالك وولدك واهل بيتك اسال الله ان يحفظك بحفظه وان يجزيك خير الجزاءاللهم امين
سؤالى سيدى الفاضل
ارجوا عمل حلقه لل modalverben
مع ,plusquamperfekt.perfekt .praeteritum,
,passiv ,futur
يجوا ازاى مع modalverben
كذلك انا مستوى b2 بس حاسس نفسى ضعيف بخاف اتكلم وانا صيدلى وناوى باذن الله اقدم فيزا بحث عن عمل ارجوا النصيحه جزاكم الله خيرا ولكم دعاء فى ظهر الغيب
احبك فى الله
الجواب:
وعليكم السلام ورحمة الله وبركاته دكتور ****،
شكرا جزيلا على مراسلتك لموقعنا ونتمنى أن نكون محل ثقتك.
شكرا جزيلاً أيضا على كلام حضرتك الطيب وجزاك الله كل خير ويسر امرك ووفقك لما يحب ويرضى، وأحبك الذي أحببتني فيه.
الموضوع حقيقي لا يحتاج أي فيديوهات إضافية لان الـ Modalverb هيقوم بتحريك اي فعل كان موجود بالموقع الثاني بالجملة ونقله للنهاية في المصدر Infinitiv وفقط... هو موضوع محتاج أمثلة وده أمر يتوقف على الكتاب اللي حضرتك شغال منه والكورس اللي حضرتك فيه، مثال مثلاً:
Der Text wird jetzt geschrieben.
Der Text muss jetzt geschrieben werden.
بمنتهى البساطة، فالأمر مفيهوش جديد.
ومعلش هي المرحلة ما بين A2 إلى B2 بيكون شعور الدارس فيها بالتقدم أمر يكاد يكون معدوم... لكن فيه تقدم والتدريب والممارسة هو الحل الوحيد... بإذن الله لو لحضرتك فيها خير نشوفك عن قريب هنا في ألمانيا يا دكتورنا الفاضل.
سؤال رقم 63: ورد هذا السؤال بتاريخ 06.05.2019 على موقعنا الإلكتروني:
السؤال:
امتى انطق حرف الr غين زى frau و امتى خاء زى krank
الجواب:
السلام عليكم أ/ ****،
مفيش في الألماني نطق الـ r كحرف خاء... في الكلمتين اللي حضرتك كتبتهم هيكون النطق غ!
سؤال رقم 64: ورد هذا السؤال بتاريخ 01.09.2019 على موقعنا الإلكتروني:
السؤال:
السلام عليكم يا استاذ احمد في البدايه احب اشكر حضرتك لاني متابع جديد لدروس اللغه وبستفيد جدا جدا جدا من الشرح . انا بس عندى استفسار صغير جدا هو بخصوص الكلمات اللي من نوعيه ( nauch -schon -ja) اللي بتكون في نص الكلام يعني علي سبيل المثال
Mein opa war auch schon Bäcker
انا مش ببقي قادر احدد لزوم وجود auch schon هنا وكمان لو انا جيت اكون الجملة لوحدى هكونها من غير الكلمات دول وهقول
Mein opa war Bäcker
ارجو المساعده وشكرا مقدما
الجواب:
جزاك الله كل خير على كلامك الطيب ويسعدني ويشرفني ان حضرتك تكون بتستفيد من الدروس. كل كلمة منهم لها معنى
noch لا يزال / بإستمرار / كمان أو أخرى
auch أيضا
schon بالفعل
وبالتالي فجملة:
Mein Opa war auch schon Bäcker.
معناها: جدي كان بالفعل أيضاً خباز.
وجملة:
Mein Opa war Bäcker.
معناها: جدي كان خبازاً.
بس كده.
سؤال رقم 65: ورد هذا السؤال بتاريخ 02.09.2019 على موقعنا الإلكتروني:
السؤال:
استاذ احمد اسف علي ازعاج مرة اخرى لكن انا لسه مخلص فيديو ال Das Perfekt .
واقف امامي جمله لما حولت اترجمها ترجمتي راحت لاتجاه غريب جدا .
? Sind sie schon einmal umgezogen
ترجمتي اول ما شوفت الجمله كانت ?have you moved again
هل انتقلت مجددا ؟
لكن لما حاولت اتاكد من الترجمه اونلاين كانت ?Have you ever moved
اختلاف الترجمه هنا انا مش قادر احدد جيه منين خصوصا ان المعني اختفي تمام
ارجو الافادة وجزاك الله كل خير
الجواب:
مرحبا أ/ ****،
شكرا جزيلا على مراسلتك لموقعنا ونتمنى أن نكون محل ثقتك.
مفيش مشكلة ابدا والله.... schon einmal يتم ترجمتها "بالفعل مرة" وليست مرة أخرى... وبالتالي ترجمة جملة:
Sind Sie schon einmal umgezogen?
هي:
هل قمت بالإنتقال بالفعل مرة (قبل ذلك)؟
ففعلا نقدر نقارنها بـ
Have you ever moved?
ومتنساش حضرتك تاخد بالك من groß و klein!
سؤال رقم 66: ورد هذا السؤال بتاريخ 07.06.2019 على صفحتنا على الفيسبوك:
السؤال:
اولا اشكر حضرتك شكرا جزيلا على شروحات اليوتيوب
زاد الله علمك و بارك لك فى وقتك و حياتك و اراك من ذريتك قرة عين تسر بها
ثانيا عندى بعض الاسئلة اتمنى ان اجد لها جوابا
س1 لما اعتبرت vielen dank على انها استثناء عن القاعدة
رغم انه يوجد guten tag
س 2 ذكرت فى حلقات المبنى للمجهول الحالة الرابعة على انه الافعال التى تاتى فى الماضى مع sein لا يكون منها مبنى للمجهول
فما القول فى فعل folgen
بمعنى اتبع
و الذى ياتى منه مبنى للمجهول
و ايضا erschrecken بمعنى افزع
و كيف نصيغ هذة الافعال فى المبنى للمجهول الحالة الرابعة
الجواب:
السلام عليكم ورحمة الله وبركاته سيد *****،
اولا بس جمعة مباركة وتقبل الله من حضرتك صالح العمل. للأسف الشديد انا توقفت من حوالي 3 سنوات عن الرد على الرسائل الخاصة وكنت كتبت عن الموضوع نظراً للكم الكبير جدا من الرسائل اللي بيوصل فأعتذر عن ردي المتأخر لكن فعلا شوفت رسالة حضرتك صدفة.
جزاك الله كل خير على كلامك الطيب وبارك الله فيك ووفقك لكل خير.
guten Tag
هي إختصار لـ
Ich wünsche Ihnen einen guten Tag.
وبالتالي هي منضبطة مع القاعدة تماما دون اي شذوذ.
فعل folgen
يأخذ sein
ده صحيح لكنه أيضا يأخذ haben في حالات أخرى بمعاني مختلفة مثل فعل fahren و fliegen فالقاعدة بها استثناءات.
هنا إذا اشترطنا استخدام Zustandspassiv فيمكن فهمه من السياق.
تحياتي،
سؤال رقم 67: ورد هذا السؤال بتاريخ 01.09.2019 على صفحتنا على الفيسبوك:
السؤال:
السلام عليكم .... ممكن أسأل حضرتك بعض الأسئلة :
- Ich besuche Herrn Ali / Es geht Herrn Salem schlecht .
ليه حطينا n ف كلمة Herr ؟
- ( Wer / Wen ) besuchst du ? Ali
ازاي أفرق بين الاتنين ... يعني السؤال هل معناه مين اللي زار على وللا مين اللي علي زاره ؟
- Die Wohnung ist kreativ eingerichtet .
kreativ هنا adverb ?
eingerichtet هنا adjektiv?
وآسفة على إزعاج حضرتك
الجواب:
وعليكم السلام ورحمة الله وبركاته يا فندم، مفيش ازعاج خالص والله... انا اللي اعتذر على تأخر ردي جدا!
إجابة سؤال حضرتك الأول بالتفصيل في الرابط ده:
https://www.ahmed-shoukry.com/gm-5
درس 85
والسؤال الثاني:
wer besuchst du غلط! لان كده فيها اتنين فاعل... الصح Wen besuchst du?
او Wer besucht dich?
اما السؤال الثالث ففعلا kreativ هي هنا Adverb
اما eingerichtet فهي Zustandspassiv
لمعلومات أكثر عنه شوفي حضرتك الدرس رقم 69 من هنا:
https://www.ahmed-shoukry.com/gm-5
سؤال رقم 68: ورد هذا السؤال بتاريخ 11.09.2019 على موقعنا الإلكتروني:
السؤال:
السؤال عن الساعه لماذا يستخدم es برغم ان الساعه مؤنثه wie viele Uhr ist es?
الجواب:
السلام عليكم مهندس *****،
شكرا جزيلا على مراسلتك لموقعنا ونتمنى أن نكون محل ثقتك.
وصلنا منك سؤال عن Wie viel Uhr ist es?
هنا نرمز للوقت بـ es! فهي تعمل هنا كإسم إشارة لضمير أو شيء غير محدد.
ممكن مثلا نقول:Es sind nur 20 Euro.فهنا الضمير es يشير للأمر كله وليس لشيء محدد.طبعا يمكن أن يُستخدم للتعويض عن إسم محايد ولكن ده موضوع مختلف لا علاقة له بالأسئلة هنا!
سؤال رقم 69: ورد هذا السؤال بتاريخ 20.10.2019 على موقعنا الإلكتروني:
السؤال:
أشكرك على دروس اللغة الالمانية التي ترفعها على اليوتيوب كانت لي مشكلة مع Kasus ولاكن الحمد لله الان لاتوجد مشكلة وهذا بفضل فيديوهاتك ومجهوداتك
ولاكن لاحظت انك لم تشرح نقطة مهمة جدا وأنا حاليا اواجه بها مشكلة وهي حالة السؤال في الحلات الاعرابية الاربعة لم أفهم كيف تكون حالة السؤال في Kasus لذا اتمنى منك ان تشرح لنا هذا الموضوع ليستفيد الجميع شكرا
الجواب:
السلام عليكم سيد *****،
شكرا جزيلا على مراسلتك لموقعنا ونتمنى أن نكون محل ثقتك.
أعتذر في البداية على تأخر ردي ولكن والله مشغول في نقل السكن والشغل جدا.
شكرا جزيلا لحضرتك ولكلامك الطيب وشرف ليا متابعتك أخي الكريم.
حضرتك طلبت تعرف الفرق بين الحالات الإعرابية في الجملة والسؤال وحقيقة لا اعرف كيفية الإجابة عن السؤال نظرا لعدم وجود ارتباط بين الحالة الإعرابية ونوعية الجملة على الإطلاق، بمعنى:
هل أتى إلياس من العطلة؟
لقد أتى إلياس من العطلة.
في الحالتين يكون الفاعل إلياس والعطلة مجرور بـ من وبالتالي لم يغير نوع الجملة أي شيء في الحالات الإعرابية.
أتمنى اكون اجبت على سؤال حضرتك.
سؤال رقم 70: ورد هذا السؤال بتاريخ 23.10.2019 على صفحتنا على فيسبوك:
السؤال:
السلام عليكم ورحمة الله وبركاته
معلش سؤال
حضرتك انا لسه شايفة درس
Die Nominalisirung
وحابه اعرف حاجه
هل Das Helfen صح ولا Die Hilfe ؟
ولا الاتنين صح؟؟
الجواب:
وعليكم السلام ورحمة الله وبركاته أ/ ***،
الإثنين صح يا فندم.... das Helfen هي عملية المساعدة نفسها.
die Hilfe هي المساعدة وليس إجراء المساعدة، بمعنى الآتي:
Du hast mir den Weg gezeigt. Das ist eine große Hilfe.
ولكن
Das Helfen von den Armen ist immer gewünscht.
اتمنى كده يكون وضح المعنى.
تحياتي،
احمد شكري