الدرس الحادي والعشرون - التكرار وكيفية التعبير عنه
الدرس الحادي والعشرون بيناقش إزاي أضيف كلمات توضح التكرار في جملتي تخلي شكلها اجمل ولا تؤثر سلبا على القواعد وفي نفس الوقت هتعرف الفروق بين أشهر الكلمات.
الدرس الثاني والعشرون: الكتابة الصحيحة
الدرس ده (رقم 22) مهم جدا عشان تقدر تجتاز اختبارات الكتابة للـ A1 بأنواعها. هتعرف ايه أكثر الأخطاء شيوعا وليه خطأ وإيه الصح.
الدرس الثالث والعشرون: kennen / wissen
الوصف غير كافي لكمية المشاكل والعناء اللي عند دارسي الألمانية بسبب الفعلين دول. في الدرس الثالث والعشرين بإذن الله هتفهم الفرق بينهم.
الدرس الرابع والعشرون: تصريف الصفات - Adjektive
بدأنا موضوع كبير ومستمر لفترة طويلة وهو الصفات, اماكنها ونهاياتها. شوفه لانه فعلا مهم.
الدرس الخامس والعشرون: ملاحظات هامة عن الصفات
دي حبة ملاحظات هنا في الدرس الخامس والعشرين عن الصفات من واقع الأخطاء اللي بتيجي من الطلاب وأسئلتهم.
الدرس السادس والعشرون: الحالات الإعرابية- Der Kasus - مقدمة
بدأنا بقى الكارثة الكبرى. الحالات الإعرابية. المقدمة اللي هي الدرس السادس والعشرون لو مفهمتهاش او مشوفتهاش متكملش لحد متفهمها. فعلا مش هتقدر تكمل من غيرها.
الدرس السابع والعشرون: Der Nominativ
في الدرس السابع والعشرين بنناقش الحالة الإعرابية الأولى والأساسية وهي الـ Nominativ. ضروري تشوفها قبل استكمال أي جزء تاني.
الدرس الثامن والعشرون: Der Akkusativ
الدرس الثامن والعشرين بيناقش الـ Akkusativ اللي هو صداع "مبدئي" في رأس كل دارس A1 .... شوفه لاني هبني عليه الحالات الإعرابية اللي جاية.
الدرس التاسع والعشرون: الروابط الصفرية - Null Konjunktionen
في الدرس التاسع والعشرين بنناقش شيء خاص بترتيب مكونات الجملة وأشهر الأخطاء عليه بسبب بعض الروابط اللي منعرفش هل ليها مكان في الجملة ولا لا.
الدرس الثلاثون: الإجابة بـ Doch
الإجابة بـ doch او بالعربي "بلى" وإزاي وإمتى نقدر نجاوب بيها في الدرس الثلاثين. شوفوه.
الدرس الحادي و الثلاثون:
الساعة والوقت - Uhrzeit - الجزء الأول
في الدرس الحادي والثلاثين بيتم مناقشة الساعة الرسمية وكيفية قرائتها بشكل صحيح وإزاي اسأل عنها واجاوب واسأل عن الموعد واجاوب عليه كمان.
الدرس الثاني و الثلاثون:
الساعة والوقت - Uhrzeit - الجزء الثاني
أما هنا في الدرس الثاني والثلاثين بنناقش الصيغة العامية أو غير الرسمية للوقت وكيفية نطقها بشكل صحيح.
الدرس الثالث والثلاثون: Die Modalverben
في درسنا الثالث والثلاثين بنشوف مع بعض الـ Modalverben عددهم ووظيفتهم ومعناهم وكيفية استخدامهم. هام جدا جدا.
الدرس الرابع والثلاثون: الأفعال المنفصلة والمتصلة
هنا في الدرس الرابع والثلاثين بنشرح ايه هي الأفعال المنفصلة والمتصلة وطريقة استخدامهم في جمل مختلفة.
الدرس الخامس والثلاثون: الـ Dativ الجزء الأول
الجزء الأول من رعب القواعد الـ Dativ... سيب أي حاجة بتعملها وركز فيه اوي.
الدرس السادس والثلاثون: الـ Dativ الجزء الثاني
الدرس السادس والثلاثون هو الجزء الثاني من شرح قاعدة الـ Dativ اللي بدأناها من درس فات.
الدرس السابع والثلاثون: الـ Dativ الجزء الثالث
هنا في الدرس السابع والثلاثين بنناقش باقي قاعدة الـ Dativ مع أمثلة اكثر ... شوفوه لانه مهم جدا.
الدرس الثامن والثلاثون: حروف الجر المتغيرة - الجزء الأول
ودي من أهم قواعد الألمانية. حروف الجر المتغيرة أو الـ Wechselpräpositionen. هنعرف هي إيه وإستخدامها وإيه دلالتها في العربي.
الدرس التاسع والثلاثون: حروف الجر المتغيرة - الجزء الثاني
الدرس التاسع والثلاثون هو الجزء الثاني من حروف الجر المتغيرة. هام اهمية كارثية.
الدرس الأربعون: الفرق بين بعض حروف الجر والظروف
في الدرس الأربعين هنعرف الفرق بين بعض حروف الجر والظروف اللي معناهم متشابه بعض الشيء وممكن يختلط عليك الأمر بسببهم.